ВУЭЙХХТЭМ ПЕ̄ЙЙВ

Агеева Анфиса Максимовна, саамский общественный деятель, руководитель Оленегорского отделения ООМО "Ассоциация кольских саамов", председатель Родовой общины коренного малочисленного народа саами "Мохкйок"

Вуэйххтэм Пе̄ййв, ко̄ххт со̄нн мӣнэнҍ куххькэнҍ ля̄йй,
Гудэль чуацкэнтҍ то̄лэсьт пӯллей ылл.
лийенҍ чӯххкэ, кӣбп альм пэ̄йенҍ сӣнэ альн, –
Мыйй тэнн пе̄ййв кохт вӯйемҍ алтнэлэмь.
 
Тэдта Вуэйххтэм Пе̄ййв – Се̄лльйенҍ тӣввтма ли. 
Тэдт ли Шӯрр пе̄ййв Сынӭсьгуэйм рӯдтӭ альн.
Тэдт ли роа̄мм Чильмэнҍ руэняс кэ̄нньлэгуэйм.
Вуэйххтэм Пе̄ййв! Вуэйххтэм Пе̄ййв! Вуэйххтэм Пе̄ййв!
      
Пе̄ййва, ыгка поа̄лльтэ рӯввьт пе̄цэгуэйм
Коа̄ллэш еммьне ӣлле вуэдҍханна.
Пе̄ййва, ыгка ло̄ссесь туаррмуж выгэмь мыйй -
Мыйй тэнн пе̄ййв кохт вӯйемҍ алтнэлэмь.
 
Тэдта Вуэйххтэм Пе̄ййв – Се̄лльйенҍ тӣввтма ли. 
Тэдт ли Шӯрр пе̄ййв Сынӭсьгуэйм рӯдтӭ альн.
Тэдт ли роа̄мм Чильмэнҍ руэняс кэ̄нньлэгуэйм.
Вуэйххтэм Пе̄ййв! Вуэйххтэм Пе̄ййв! Вуэйххтэм Пе̄ййв!
 
Тӣррв я̄лах, я̄нна,  моа̄цэмь моа̄ст мыйй ебпь пукг….
Лаппьсэ пуэшенҍ мӣлльтэ вӣжьсэ па̄й ю̄льке!
Э̄ллманнт пелль ёдтӭмь, воа̄нҍцемь, е̄ммьне мӣлльтэ –
Мыйй тэнн пе̄ййв кохт вӯйемҍ алтнэлэмь.
 
Тэдта Вуэйххтэм Пе̄ййв – Се̄лльйенҍ тӣввтма ли. 
Тэдт ли Шӯрр пе̄ййв Сынӭсьгуэйм рӯдтӭ альн.
Тэдт ли роа̄мм Чильмэнҍ руэняс кэ̄нньлэгуэйм.
Вуэйххтэм Пе̄ййв! Вуэйххтэм Пе̄ййв! Вуэйххтэм Пе̄ййв!
 
Тэдта Вуэйххтэм Пе̄ййв – Се̄лльйенҍ тӣввтма ли. 
Тэдт ли Шӯрр пе̄ййв Сынӭсьгуэйм рӯдтӭ альн.
Тэдт ли роа̄мм Чильмэнҍ руэняс кэ̄нньлэгуэйм.
Вуэйххтэм Пе̄ййв! Вуэйххтэм Пе̄ййв! Вуэйххтэм Пе̄ййв!

Скачать